Fwd: *DHR* Kagame yirirwa yica abantu yarangiza ngo bahunze ubusa

From: Anastase Gasana <gasana31@gmail.com>

Ikiganirwaho: KAGAME YIRIRWA YICA ABANTU YARANGIZA NGO BAHUNZE UBUSA.

Basomyi Banditsi,

Abanyarwarwanda baca umugani ngo "Ingoma zisa ntacyo zipfana". Perezida Habyarimana ikibazo cy'impunzi z'abatutsi yari yarakigize ikibazo cy'ubutaka igihe yavugaga ngo "u Rwanda ni nk'ikirahuri cyuzuye amazi ku buryo udashobora kongeraho igitonyanga habe na kimwe". Impunzi z'abahutu nazo, ba Colonel Kanyarengwe,  avuga ko " bahunze ubumwe n' amahoro".

Perezida Kagame nawe arashyize ateye mu rya mugenzi we yasimbuye amaze kumwivugana amuziza ko "yamuhejeje hanze" nkuko Kagame akunze kubivuga iyo abajijwe ikibazo kw'iyicwa rya perezida Habyarimana. Nkuko iyi nkuru yo mu Igihe.com dusubiza hano yabitangaje, perezida Kagame aravuga ko mu Rwanda nta kibazo cy'ubuhunzi gihari ko abagenda bitwaza ngo barahunga politiki kandi mu by'ukuri baba bagiye gushaka amasambu kuko u Rwanda rwabaye ruto kubera abaturage benshi rumaze kugira. Kagame ati "Hari abitwaza guhunga politiki bagiye gushaka amasambu muri Uganda"; aha Kagame akirengagiza abaturage imiryango ijana abantu 600 basenyewe Rwimiyaga mu Mutara mu kwambere 2014 bazira gusa ko atari aborozi nkuko ikiganiro umwe muri bo yagiranye na Etienne Karekezi wa Radio Ijwi ry'Amerika cyabisobanuye neza. Kagame akongeraho ati "ntibajya I Burundi kuko ibibazo byacu n'iby'i Burundi byenda gusa". Aha we aravuga ibibazo by'ubutaka buto; ariko ahubwo kubera ibibazo bya politiki bya Hutu/Tutsi bisa mu bihugu byombi, abanyarwanda basanga guhungira I Burundi ari uguhungira ubwayi mu kigunda. Ikindi n'uko bazi ko Kagame avogera u Burundi uko ashatse yifashishije bamwe mu bantu ba Major Buyoya bakiri mu ngabo z'u Burundi bafatanije na Kagame kwica perezida Ndadaye w'u Burundi mu kwezi kwa cumi 1993. Abanyarwanda rero batinya guhungira I Burundi ngo batazafatirwayo bakagarurwa mu Rwanda ku ngufu nkuko byagendekeye Deo Mushayidi ubu uborera muri gereza ya Muhanga. Perezida Kagame arangiza ijambo rye ku buhunzi mu Rwanda avuga ngo "mu by'ukuri ikibazo cy'impunzi kimaze kuba ikintu cy'urujijo, ntabwo kikiri ikibazo kinini keretse iyo abantu bagihinduye ikibazo". Kuri we impunzi z'abanyarwanda ziri mu bihugu byo kw'isi yose harimo n'impunzi 245.000 zabaruwe na ONU/UN mu gihugu kimwe gusa cya Repubulika iharanira Demokarasi ya Congo, ntabwo ari ikibazo, ni abantu bagiye gushaka amasambu no gushaka imibereho yindi kandi atari byo. Icyateye ubuhunzi bw'abanyarwnda kuva mu 1959 no kuva mu 1994 kugeza uyu munsi kiracyahari kuko abanyarwanda bagihunga igihugu cyabo kugeza umunsi Kagame avuga biriya taliki ya 15/01/2015.Barahunga leta y'igitugu, urugomo, ivangurabwoko, itotezabwoko, guhimbirwa ibyaha ugafungirwa ubusa cyangwa ukicishwa agafuni kamenagura umutwe, umugozi w'ubuhotozi nk'uwo bicishije Col Karegaya umwaka ushize, n'akandoyi kamena /gasatura agatuza nka kariya baziritse abanyarwanda baroshye mu Kagera ,mu kiyaga cya Rweru no mu byobo rusange hirya no hino mu gihugu mu cyi cy'umwaka ushize. Ibi bibi byose bikorwa na perezida Kagame na FPR na leta yabo noneho we nk'umukuru wabo bose akazana ikinyoma leta ye yubakiyeho nk'iki ngo nta kibazo cy'ubuhunzi n'impamvu zo guhunga u Rwanda zikriho kandi ahubwo zarikubye inshuro zitabarika. (Gasana Anastase, umuyobozi wa PRM/MRP-ABASANGIZI, ishyaka rigamije gusangiza abanyarwanda bose ibyiza by'igihugu cyabo ntawe uhejejwe inyuma y'urugi).

2015-01-16 19:20 GMT-05:00 Jean Gatera jeangatera@yahoo.be [Democracy_Human_Rights] <Democracy_Human_Rights@yahoogroupes.fr>:

 

 

Perezida Paul Kagame ngo impunzi z'abanyarwanda, amaherezo y'inzira ni mu nzu

Yanditswe kuya 15-01-2015 - Saa 23:08' na Philbert Hagengimana

·        

·        

·        

N'ubwo abanyarwanda bahunze hagati y'umwaka w' 1959 na 1998 bahawe igihe ntarengwa cyo kuba batahutse hagatahuka bamwe abandi bagaterera agati mu ryinyo, Perezida Paul Kagame asanga amaherezo ya bo ari ugutahuka kuko n'amaherezo y'inzira ari mu nzu.

Ibi Perezida Paul Kagame yabitangaje kuri uyu wa kane tariki ya 15 Mutarama 2015, mu kiganiro yagiranye n'abanyamakuru, kibimburira ibindi muri uyu mwaka.

Perezida Paul Kagame yagize ati "Amaherezo y'inzira ni mu nzu… bazayitahamo amaherezo. Bazazunguruka isi.., ariko bongere barutahemo. Erega nta n'ubwo ari benshi buriya, impunzi nyinshi zaratashye, abari hanze ni abafite ibindi bakiniraho."

Hari abitwaza guhunga Politiki bagiye gushaka amasambu muri Uganda n'ahandi

Perezida Paul Kagame yakomeje agaragaza ko abakivugwa ko basabye ubuhungiro mu bindi bihugu, ari abitwaza guhunga Politiki, bagamije kujya gushakira ubutaka mu bihugu bifite bunini kurusha u Rwanda.

Yagize ati "Hari n'abava mu gihugu bakagenda bakoresheje impamvu zitandukanye, impamvu abantu bari bakwiye kuba bumva. Hari abajya muri Uganda, Tanzania, n'ahandi, ariko nta bajya i Burundi. Kuko ibibazo byacu n'iby'u Burundi byenda gusa."

Yakomeje agira ati "Hari abajya muri Uganda, bahagera bagashakisha bakabona ubutaka batari bafite hano. Ubutaka bw'u Rwanda ni butoya ku bwa Uganda, kdi icyo nta cyo twagikoraho, kuko ntago twabwagura ngo bungane n'ubwa Congo cyangwa ubwa Uganda, ntago ari icyaha cy'u Rwanda."

Perezida Paul Kagame yakomeje avuga ko abatwarwa n'ibyo, bahimba kuvuga ko bahunze politiki kuko ibyo bihugu biba bidashaka abaza kubitwarira ubutaka, icyo kikabahesha uburenganzira bwo kwambuka umupaka, ati "mu by'ukuri atari impunzi, ahubwo ari umuntu ushakisha ubutaka. Icyo ni ikibazo kinini cyane kiriho."

Perezida Paul Kagame yakomeje avuga ko ikimuraje ishinga ari umutekano w'abanyarwanda, gusa ngo amarembo aragutse ku buryo nta munyarwanda wahezwa hanze kandi ari we nyir'u Rwanda, ariko yongeraho ati "Ikibazo cy'impunzi kimaze kuba ikintu cy'urujijo, ntago kikiri ikibazo kinini keretse iyo abantu bagihinduye ikibazo".

Hagiye gushira imyaka ibiri hakuweho sitati y'ubuhunzi ku banyarwanda bahunze hagati y'umwaka w'1959 na 1998, aho bahawe igihe ntarengwa cy'itariki ya 30 Kamena 2013 bakaba batahutse cyangwa babonye ibyangombwa bibemerera gutura mu bihugu barimo.

Gusa bamwe barabyubahirije baratahuka, ariko abandi baterera agati mu ryinyo, ndetse bamwe banagizwe urwitwazo rwo kutagaba ibitero ku mutwe wa FDLR ngo wamburwe intwaro, kandi cyari icyemezo cyafashwe n'imiryango mpuzamahanga.

Mu nama ya Komite Nshingwabikorwa y'Ishami ry'Umuryango w'Abibumbye ryita ku Mpunzi (EXCOM) yabereye i Geneve kuwa 29 Nzeri 2014, Minisitiri ufite impunzi mu nshingano ze Seraphine Mukantabana yagaragaje ko hari ibihugu bigenda biguru ntege mu gushyira mu bikorwa ibiteganywa n'itangazo ryo kuwa 30 Kamena 2013 rikuraho sitati y'ubuhunzi ku Banyarwanda bahunze hagati y'umwaka w'1959 na 1998.

Mu mibare MIDMAR itanga, hagati ya Nyakanga 2013 na Kamena 2014, Abanyarwanda barenga ibihumbi 24 barahungutse, barimo n'abirukanwe muri Tanzania, gusa kugeza ubu hakaba nta mubari nyawo uzwi w'impunzi z'abanyarwanda zikiri mu mahanga.

philbert@igihe.rw

__._,_.___

---