[haguruka.com] Rwanda/RDCongo: Ubutumwa bw’ubuyobozi bukuru bwa FOCA bugenewe ABACUNGUZI BA FDLR/FOCA.

Bacunguzi, Bacunguzikazi n'incuti ba FDLR/FOCA Mugire ubwihangane mu bigeragezo duhura nabyo kuri uru rugamba twiyemeje rwo kubohoza u Rwanda, ntimucogore kuko inzitizi twasimbutse kugeza ubu nizo zari zikomeye. Dukomeze umutsi, turenda kusa ikivi!

Kuva tariki ya 27 Gicurasi 2016, koloneli Irategeka Wilson wari vise Perezida wa kabiri w'urugaga FDLR, yaragumutse, yanga ibyemezo yafatiwe na komite nyobozi yateranye nka Comité de Résistance National des FDLR tariki ya 23 kugeza 26 Gicurasi, kubera amakosa yo kutumvira ubutegetsi bumukuriye, no gushora impunzi z'Abacunguzi mu bikorwa binyuranye n'urugamba turwana rwo kuzirengera no kuzazitahana mu cyubahiro zifite ijambo mu gihugu cyacu. Kuva tariki ya 30 Gicurasi 2016, ari guhamagarira abacunguzi bamwe ba FOCA b'umutima mucye woroshye kugumuka bitabira icyo yita CNRD-ubwiyunge,(Conseil National pour la Réconciliation et la Démocratie) Yashingiye ibirindiro i Nyarubande (Bwito / Rutchuru)muri RD Congo.

Iryo gumuka rifite imizi kure ishingiye mu gushwanisha abacunguzi, no gushaka gusenya FDLR ngo aboneremo indonke y'amafaranga, no,kujya gutuzwa mu mahanga ya kure mu munezero.

Bacunguzi, Bacunguzikazi, mwibuke bya hafi, ibyo twagiye tubagezaho bya : la grande enigme des FDLR by'amacakubiri ya « ndugustes na kigustes » ; ibya CPC (Coalition des partis politiques pour le changement) ; ibya ERM (Equal Rights Movement), none bigeze na CRND-ubwiyunge. Nta bwiyunge nta bumwe Irategeka Wilson ashaka bw'abacunguzi, habe n'ubw'abanyarwanda. Kuko mu byo arimo gukora, ari kuvangura, yikururira, ahera ku aba Nyakabanda (Gitarama) aho avuka n'abandi babyitabira ku izina gusa ngo « ndi uwo mu majyepfo y'u Rwanda ».

Bacunguzi, Bacunguzikazi ibyo ni ibyo kwamaganwa. Hano muri Kongo, epfo na ruguru by'u Rwanda ubu tubyibonamo ? Dute kandi dufite/turi kumwe n'abatazi utwo turere n'aho tugabanira ! Mwivanemo ibyo bisigisigi by'amateka bibi, turangazwe imbere hazaza n'imibereho myiza y'abanyarwanda bari kumwe koko, bashyize hamwe mu Rwanda rwacu, twishyira tukizana nta mususu, dufite ijambo.

Bacunguzi, Bacunguzikazi mwime amatwi abo bayobozi bakuru babashuka ngo babacyure mu Rwanda mwububa, bo ngo bibonere ibihembo by'amahanga, inzu n'amamodoka, bo baryoherwe, musharirirwe cyangwa muri kuwunera mu mabuso ya Kagame.

Ubutegetsi bwa FOCA by'umwihariko, buramagana koloneli Irategeka Wilson n'abategetsi ba gisirikari bamuyobotse kwigumura mu nzego zose, bakomeje no kunyonya abacunguzi babashukisha intica ntikize y'udufaranga. Yo se izageza ryari. Bacunguzi, twakwibagirwa ibyagendekeye abo ba Mahoro Jerubali na cemuce (CMC : Commandement Miltaire pour le Changement ), na Musare na rudi ye (RUD : …) bashutse ? Ubu bahagaze he ? Gute ? Irategeka alias Lumbago niyo CRND se nibo gakiza gashya azaniye abacunguzi ?

Ubuyobozi bwa FOCA buragaya byimazeyo ibyo bigwari by'inda nini, binaniwe urugamba, byishakira inyungu hejuru y'agatwe k'abacunguzi n'abanyarwanda bose muri rusange, bitubuza kugera k'uburenganzira bwacu. Ubuyobozi buramagana kandi ibikorwa bigayitse bijyanye n'iryo gumuka by'ubusahuzi bw'ibikoresho binyuranye bya FDLR/FOCA, ibya bagenzi babo, n'iby'abaturage bagenda bayora aho banyuze hose ; kugera n'aho batwaye isahani n'ikiyiko ! Ibyo byose bizabazwe umugumutsi mukuru muri bo !

Ubuyobozi bwa FOCA, burasaba abacunguzi bakurikiye buhumyi abigumuye ko bashyira ubwenge ku gihe, bakibaza, bakisubiza, bakaba abagabo bakagaruka mu nzira nziza ya FDLR/FOCA. Bagarutse mu gihe kitarenze iminsi icumi uhereye tariki ya 1 Kamena 2016, bakagarukana ibikoresho by'Urugaga FDLR batwaye, barababarirwa. Nyuma y'aho n'Imana imbabazi ntiyazitanga.

Abinangiye, bakomeje gushukwa, ngo bagiye mu gisirikari gihemba buri kwezi, bazi uko byagendakaye aba twavuze haruguru, nibagende bazi ko bagiye kubacyura bugwate mu Rwanda kandi ko ingoyi ya Kagame ibategereje. Bibuke ko twasimbutse inzitizi nyinshi z'abakinisha politiki nka Higiro JMV, Rwarakabije Paul, Muhindo Hyacinte n'abandi… Basimbuke n'uru !

Ubutegetsi bwa FOCA burashima abatangiye kwitandukanya n'abo bagizi ba nabi bashaka gusenya FDLR, bafashijwe n'amahanga amwe y'iyi si abari inyuma, batazi "agati kateretswe n'Imana".

Ubutegetsi bwa FDLR/FOCA burashimira bunizeza abakomeje umutsi (résister ) ko bazi kureba kure heza hazaza ; kandi batibagirwa vuba amateka twanyuzemo y'u Rwanda ; barangaza imbere inyungu za rubanda nyamwinshi itsikamiwe ngo bababohore agahotoro k'ingoma mbi nkora maraso ya FPR Inkotanyi.

Ubuyobozi bwa FOCA burizeza kandi abanyarwanda bose, cyane b'impunzi aho bari hose ko itazatezuka, ku umugambi wo kubohoza abarengana bose k'uruhembe rw'umuheto niba inzira y'amahoro n'ibiganiro na Leta ya Kigali itabonetse.

Bacunguzi, Bacunguzikazi n'incuti ba FDLR/FOCA, dukomeze umutsi, tumenye ko Imana ifasha uwifashije kandi ko intsinzi iri hafi ! Twirinde amacakubiri y'uturere, izo ngumuke ziri gucengeza mu bantu. Amen !

Bikozwe tariki ya 3 Kamena 2016

B. MPENZI

LT GEN

Le Commandant des FOCA (sé)

Re: DHR GENOCIDE HUTU : UKWISHONGORA KWA GITUTSI KUBAHUTU KUMAZE GUFATA INDI NTERA HAGOMBA IMIGAMBI MISHYA YO KUBIRWANYA MAZE TUKIBUTSA KO U RWANDA RUZABA U RWANDA IGIHE UMWE AZABA YUBAHA UNDI

Banyarubuga, Ni byiza ko Galicani Gasana w'ishyaka Amahoro Peace Congress na Kabalisa Pacifique bemera ko mu Rwanda habaye jenoside ebyiri: iyakorewe abatutsi ikozwe n'interahamwe za MRND, impuzamugambi za CDR, zimwe mu ngabo z'u Rwanda ex-FAR na hutu power movement ya Karamira; na jenoside yakorewe abahutu ikozwe na FPR/APR Inkotanyi mu Rwanda no muri Congo. Natwe mw'ishyaka ryacu PRM/MRP-ABASANGIZI ni uko tubyemera, kandi tukabivuga nk'uko biri. Kuko kutabivuga mu mvugo yabyo ko byitwa jenoside ni ugukina umukino wa FPR yayikoze idashaka ko ubwicanyi ndengakamere yakoreye abanyarwnda bo mu bwoko bw'abahutu bwitwa genocide nyine kugirango yo n'abayobozi bayo batazava aho babibazwa. Mu bintu FPR n'abayobozi bayo batinya ni kiriya cy'uko ubwicanyi ndengakamere bakoreye abahutu mu Rwanda no muri Congo bwazitwa genocide. Ni nde se wundi wabyita genocide ngo bifate uretse abavictimes b'iyo genocide bo bazi mieux que quiconque d'autre ibyababayeh...

Rwanda Forum

Search This Blog