Twavuga iki kuri Paul Rusesabagina na Hotel Rwanda?

Twavuga iki kuri Paul Rusesabagina na Hotel Rwanda?

Paul Rusesabagina abatutsi baramwamaganye film Hotel Rwanda imaze gusohoka ariko bari barahawe ibisobanuro byose uko  iyo film izaba uteye.

Bamaze kubona ko Rusesabagina w'umuhutu  yahawe igihemo n'Amerika, agatangira kumenyekana, nibwo  Kagame n'abandi batutsi bose batangiye kumurwanya no kurwanyo iyo film.

Birumvikana ko iyo  Paul Rusesabagina aba umututsi nta kibazo yajyaga kugira ku byerekeye iyo film. Politike y'ubutegetsi bwa Kagame ni uko umuhutu atagomba kumenyekana ko  yakoze byiza, hari icyo yagezeho. Mbese ibyiza bikorwa n'abatutsi gusa. Ibyo rero bikaba bitugarura mu buryo abahutu bategetswe mu gihe cy'ubwami mu Rwanda.

Ikindi kandi hiyongereyeho ni uko Paul Rusesabagina yaba ashobora kubona agafaranga gaturutse kuri iyo film. Bityo abatutsi bagira ishyari. Kandi abatutsi bumva ko havugwa ko bose bashize, ko nta muntu n'umwe wabatabaye, ko Rusesabagina ntacyo yakoze, ko abahutu bose bishe bikaba bitangaje ko umuhutu nka Rusesabagina yaba  yaragize uruhare mu rukora bamwe. Rusesabagina rero ararengana kuko iyo film ubwayo yagize akamaro mu kumenyekanisha genocide yabaye mu Rwanda. Ikibazo si uko irimo ibikabyo. Icyangombwa ni uko yageze ku nshigano zayo.

Iyo uhuye n'umuntu utazi u Rwanda neza wabonye iyo film, arakubwira ati ibyabaye mu Rwanda ntibizongere. Ati mwagize ibibazo bikomeye. Nta nakubaza niba film ivuga ibiri byo cyangwa ibitari byo. Film uko yakinwe byari ugukabya nyine kugira ngo  abantu bayirebe kandi bumve ko  uburemere bw'ibibazo u Rwanda rwagize. Nta mpamvu rero iyo film yagombaga gukinwa ukundi  mu gihe tuzi uko films za Hollwood ziba ziteye. Ikindi kandi hari izindi za documentaires nyinshi  zasohotse kuri genocide mu Rwanda kandi ziyobowe n'abatutsi. Njye nkumva ko izo zihagije mu gushaka kwerekana neza uko genocide yakozwe. Bityo abavuga ko abakoranye na Rusesabagina bagombaga no gukora documentaire barabagora kuko  gushora amafaranga muri film utazi ko izayagarura ntabwo ikemezo wafata. Kagame niwe wagombaga gutanga amafranga noneho iyo documentaire igakorwa ivuguruza ibyo Rusesabagina yakinnye.

Iburanishwa rye rero ryagombye gushyira iruhande icyo kibazo cya Hotel Rwanda.