Skip to main content

[haguruka] Abanyarwanda basabwe kwitwararika gusuhuzanya bahana ikiganza kubera indwara y'ubuheri | IGIHE [2 Attachments]

 
[Attachment(s) from Nzi Nink included below]


Abanyarwanda basabwe kwitwararika gusuhuzanya bahana ikiganza kubera indwara y'ubuheri


 17-02-2019 - saa 14:18,  Emma-Marie Umurerwa 

Minisiteri y'Ubuzima yafashe ingamba zo gukangurira abaturage kugira isuku, nyuma y'indwara y'ubuheri ifata uruhu igatuma umuntu yishimagura, imaze kugaragara mu turere 14 tw'igihugu.

Ubuheri bwandurira cyane mu gukoranaho, gusuhuzanya, kwambarana, gukora ku bikoresho nk'imyambaro by'uyirwaye cyangwa kurarana na we.

Ibimenyetso by'iyi ndwara ni ukwishimagura cyane cyane aho ingingo zihurira, kuryaryatwa ku ruhu cyane cyane nijoro, gusesa ibiheri hagati y'intoki, mu kwaha, ku kibuno no ku myanya y'ibanga, utahita wivuza bikaba byazamo n'amashyira.

Mu kiganiro cyatambutse kuri Radio Rwanda kuri iki Cyumweru, Minisiteri y'Ubuzima yatangaje ko iyi ndwara imaze kugaragara mu bigo by'amashuri, mu bigo ngororamuco n'ahandi hahurira abantu benshi.

Umuyobozi Muri Minisiteri y'Ubuzima ushinzwe ubuzima bushingiye ku bidukikije, Mukamunana Alphonsine, yavuze ko uturere twagaragayemo iyo ndwara ari Gasabo, Nyarugenge, Ruhango, Nyanza, Kamonyi, Muhanga, Huye, Gisagara, Nyamagabe, Kicukiro, Kayonza, Karongi, Rwamagana na Burera.

Ati "Umuti uvura iyo ndwara urahari, abayirwaye bakaba basabwa hwihutira kujya kwa muganga."

Umuganga w'indwara z'uruhu, Dr Alice Amani, we yavuze ko umuti wo kuvura iyi ndwara uhari nubwo urukiko rwo rutaraboneka.

Ati "Umuti uyivura ukoreshwa mu Rwanda ni umuti wo kwisiga witwa 'benzoate de benzyle', uboneka ku bigo nderabuzima byo mu gihugu hose, hari n'ibinini bivura iyo ndwara ariko ntibiratangira gukoresha mu Rwanda. Umuntu wivuje neza kandi agakurikiza amabwiriza ya muganga, nyuma y'ukwezi aba yakize."

"Guhana ibiganza bikwiye gucika"

Iyi ndwara y'ubuheri yandura igihe amatembabuzi y'umuntu iyirwaye ahuye n'ay'undi muntu utayirwaye. Gusuhuzanya abantu bahana ibiganza ni bumwe mu buryo bwihuse bushobora kwanduza iyi ndwara mu buryo bwihuse.

Mu ngamba zo kwirinda iyi ndwara ndetse no kwirinda kuyanduza abandi, harimo no kwirinda gusuhuzanya.

Mukamunana yakomeje ati "Abaturage turabakangurira kugira isuku, bagakaraba inshuro ebyiri ku munsi bakoresheje amazi meza n'isabune, ukarabye inshuro ebyiri ku munsi bimuha amahirwe yo kutandura."

"Uyu muco w'abanyarwanda wo kugenda dusuhuzanya, duhererekanya intoki, bigomba gucika kuko indwara nyinshi zandura zandurira ku gusuhuzanya no gukoranaho.."

Ibi byanashimangiwe n' Umuyobozi wungirije w'Akarere ka Kicukiro ushinzwe imibereho myiza y'Abaturage, Bayingana Emmanuel.

Ati "Umuco ni mwiza ariko nanone iyo umuco uzanye ibibazo nta mpamvu yo kuwukomeraho. Abanyarwanda twajyaga dusangirira ku miheha, ngirango tumaze kugenda tubireka kubera ko byanduza indwara zitandukanye […] hari igihe umuntu aza akakuramutsa afite ibyuya mu ntoki, biriya bintu usanga ari umwanda. Igikomeye ni amagara."

Yakomeje asaba Minisiteri y'ubuzima guha inzego z'ibanze ubutumwa bwanditse bakwifashisha bakangurira abaturage kwirinda iyi ndwara.

Iyi foto ni iy'umuturage urwaye ubuheri wo mu Karere ka Nyamagabe mu Ntara y'Amajyepfo




###
"Hate Cannot Drive Out Hate. Only Love Can Do That", Dr. Martin Luther King.
###

__._,_.___

Attachment(s) from Nzi Nink | View attachments on the web

2 of 2 Photo(s)

Posted by: Nzi Nink <nzinink@yahoo.com>
Reply via web post • Reply to sender • Reply to group • Start a New Topic • Messages in this topic (1)
Check out the automatic photo album with 2 photo(s) from this topic.
image1.jpeg image2.jpeg
Have you tried the highest rated email app?
With 4.5 stars in iTunes, the Yahoo Mail app is the highest rated email app on the market. What are you waiting for? Now you can access all your inboxes (Gmail, Outlook, AOL and more) in one place. Never delete an email again with 1000GB of free cloud storage.

SPONSORED LINKS
.

__,_._,___

Comments

Post a Comment

Popular posts from this blog

[haguruka] General Kale Kayihura: Who’s Who ?

  General Kale Kayihura: Who's Who ? Private life He is married to Angella Kayihura, a Kenyan of Rwandese descent, she is the granddaughter of Rudahigwa , the last king of pre-independence Rwanda. The Kayihuras are the parents of two children, he is reported to own a mixed farm on 350 acres (140 ha) of land in Kabula, Lyantonde District , on which he owns about 500 goats. [9] https://wikivisually.com/wiki/Kale_Kayihura Kale Kayihura Kale Kayihura Born 26 December 1955 (age 62) Uganda Residence Muyenga , Kampala , Uganda Nationality Ugandan Citizenship Uganda Alma mater Makerere University ( Bachelor of Laws ) Law Development Centre ( Diploma in Legal Practice ) London School of Economics ( Master of La...
Post a Comment
Read more

[haguruka.com] Fw: *DHR* New Vision, Uganda @Gen Fred Rwigyema's untold story.

  On Sunday, 22 November 2015, 18:52, "Jean Bosco Sibomana sibomanaxyz999@gmail.com [Democracy_Human_Rights]" <Democracy_Human_Rights@yahoogroupes.fr> wrote:   Gen Fred Rwigyemas untold story By Muwonge Magembe The death of Gen. Aronda Nyakairima on September 12; eclipsed the 25th year death memorial of Maj. Gen. Fred Rwigyema which is commemorated every October. Rwigyema died strangely in October, 1990, after launching a military invasion against President Juvenal Habyarimana. Before he left for Rwanda, Rwigyema parked a coffee brown Mercedes Benz (G-Class) near the residence of then special administrator for Mbarara district, Henry Rwigyemera. Rwigyema started living in Uganda when he was only three years following his parents' relocation from Mukiranze village, Kamonyi district, Rwanda to Nshungerezi refuge camp, Ankole and Kahungye, Toro. Their relocation was motiv...
Post a Comment
Read more

Re: *DHR* GENOCIDE HUTU : UKWISHONGORA KWA GITUTSI KUBAHUTU KUMAZE GUFATA INDI NTERA HAGOMBA IMIGAMBI MISHYA YO KUBIRWANYA MAZE TUKIBUTSA KO U RWANDA RUZABA U RWANDA IGIHE UMWE AZABA YUBAHA UNDI

Banyarubuga, Ni byiza ko Galicani Gasana  w'ishyaka Amahoro Peace Congress na Kabalisa Pacifique bemera ko mu Rwanda habaye jenoside ebyiri: iyakorewe abatutsi ikozwe n'interahamwe za MRND, impuzamugambi za CDR, zimwe mu ngabo z'u Rwanda ex-FAR na hutu power movement ya Karamira; na jenoside yakorewe abahutu ikozwe na FPR/APR Inkotanyi mu Rwanda no muri Congo. Natwe mw'ishyaka ryacu PRM/MRP-ABASANGIZI ni uko tubyemera, kandi tukabivuga nk'uko biri. Kuko kutabivuga mu mvugo yabyo ko byitwa jenoside ni ugukina umukino wa FPR yayikoze idashaka ko ubwicanyi ndengakamere yakoreye abanyarwnda bo mu bwoko bw'abahutu bwitwa genocide nyine kugirango yo n'abayobozi bayo batazava aho babibazwa. Mu bintu FPR n'abayobozi bayo batinya ni kiriya cy'uko ubwicanyi ndengakamere bakoreye abahutu mu Rwanda no muri Congo bwazitwa genocide. Ni nde se wundi wabyita genocide ngo bifate uretse abavictimes b'iyo genocide bo bazi mieux que quiconque d'autre ibyababayeh...
Post a Comment
Read more