[amakurunamateka.com] FW: Bulya twabaye intwali, nta ngoma twashyigikiye buhumyi ak'ibi tubona ubu.

 

Dore history yacu muli make:

Twiganye n'abali abatoni b'ingoma ya cyami, amanota yacu bakayatwambura bayaha abo batoni. Twagenje make bimwe by'uwitonze ukama ishahi; revolution irabyishwanyuliza, nta mwana-mutoni twigeze tulya urwara.

 

Republika ya mbere yaraje, tuliga tugera muli za universite, batubwira ko Kayibanda ali umubyeyi wa Rwanda. Ntitwayobotse Nyiramajyambere umwe walilimbaga Rusengo rwa Kayibanda. Twibaniye n'abanyeshuli baturutse mu Rwanda, dusabana n'abandi banyarwanda twasanze hanze bitwa imhunzi. Ntawe twatoteje tumuziza ko adashyigikiye/adakunzwe na Kayibanda.

 

Republika ya kabili yaraje batubwira ko ihagalitse iyirukanwa ly'abanyeshuli lyo muli za 1972. Twalishimye twibwira ko noneho abato ba Rwanda bose bagiye gusabana. Immana ntirenganya! Twashyingiye (twubakiye) benshi bo mu moko yose n'uturere tunyuranye, tutitaye ku masura atandukanye. Ibyo gusingiza/kuramya Habyarimana twabigendeye kure, bituma abakada ba MRND baduheza ku mbehe zisendeye bagabaga. Twibereyeho bisanzwe, dukoresha neza ibyo twavunguliweho mu mashuli, barumuna bacu twabisogongezagaho nta kugobeka barashima, baradukunda. Uwungilije HE Kagame yatubera umugabo!

 

Kuva 1990 kugeza 1994, twabaye mu turere tudakunda Habyarimana, utwo turere dushaka ko ingoma ye yavaho, aliko ntacyo byadutwaye kuko tutali abalyankuna b'iyo ngoma nkiga. Twibaniraga neza na buli wese. Republika ya kabili iguye, RPF yaje ishaka kudukulikiza iyo ngoma ya Habyarimana. Abakada ba RPF, ibili amambu bamwe ali abahoze ali aba MNRD, barahagurutse bashaka muli twe abo guhekesha inyonjo. Aliko kuko bahungizaga ibya Semuhanuka na escroquerie, babuze facts: none n'ubu turacyahumeka. Biliya by'abatanganitse muli parlement 14/7/2015, bisa neza neza na bimwe by'abasingizaga MRND aliko bagatinda kuyizibukira: RPF nibyo yayoye irabibabambisha nk'ibimenyetso bya jenosayidi. Murunva ko imibereho isanzwe mu Rwanda itazigera yoroha, nta makiliro azava mwacu nkuko n'azava mu banyamahanga ntawayizera!

 

Ikibazo gikomeye:

None ko Abanyarwanda batagira ubutwari bwo kwilinda amanyanganya, balya duke, dusukuye aho gusambira byinshi biteye isoni, byanduye; ntibemere kunambira amategeko yalinda amahasa atugwira amaherezo azaba ayahe?

Ko hagombye coup ngo ubwami buhilikwe, hakagomba coup ngo Kayibanda aveho, hakagomba rebbelion, coup na jenosaidi ngo republika ya kabili iseswe, bizagenda bite ngo ingoma ya RPF iliho igarura ibya Habyarimana yavugaga ko alibyo byadukuruye ihinduke, igihe isi itemerera abanyafurika ibyo kwibohoza binyuze muli za coups d'etat/rebellions? Tuzategereza se mama ibimeze nk'ibi bikinirwa kuli Hisene Habre wa Tchad muli Senegali?

http://www.blogtalkradio.com/radioitahuka/2015/07/17/ihuriro-nyarwanda-rnc-ryamaganye-icyemezo-cyo-guhindura-itegeko-nshinga

__._,_.___

---

Posted by: kota venant <kotakori@hotmail.com>

---

Reply via web post

•

Reply to sender

•

Reply to group

•

Start a New Topic

•

Messages in this topic (1)

-------------------------------------------------------------------___________________________________________________
-Ce dont jai le plus peur, cest des gens qui croient que, du jour  au lendemain, on peut prendre une société, lui tordre le cou et en faire une autre.
-The hate of men will pass, and dictators die, and the power they took from the people will return to the people. And so long as men die, liberty will never perish.
-I have loved justice and hated iniquity: therefore I die in exile.
-The price good men pay for indifference to public affairs is to be ruled by evil men.
=-=-=-=-=-=-=-=-=-=-=-=-=-=-=-=-=-=-=-=-=-=-=-=-=--=-=-=-=-=-=-=-=-=-=-
-To post a message: amakurunamateka@yahoogroups.com; .To join: amakurunamateka-subscribe@yahoogroups.com; -To unsubscribe from this group,send an email to:
amakurunamateka-unsubscribe@yahoogroups.com
_____________________________________________________
-More news:  http://www.amakurunamateka.com

https://www.facebook.com/amakurunamateka

https://www.facebook.com/musabeforum
--------------------------------------------------------------------------------------
-SVP, considérer  environnement   avant toute  impression de  cet e-mail ou les pièces jointes.
======
-Please consider the environment before printing this email or any attachments.
--------------------------------------------------------------------------------------

Visit Your Group

• Privacy • Unsubscribe • Terms of Use

.

__,_._,___