Fw: *DHR* Mu Bubiligi:abize muri UNR bazizihiza imyaka 50 imaze ishinzwe

Fw: DHR Mu Bubiligi:abize muri UNR bazizihiza imyaka 50 imaze ishinzwe

On Friday, 1 November 2013, 7:01, agnesmurebwayire <agnesmurebwayire@yahoo.fr> wrote:

Vénuste Kamanzi – umuseke.rw

+ Rubyiruko (Cécile Kayirebwa)

Abize mu cyahoze ari Kaminuza Nkuru y'u Rwanda "Université Nationale du Rwanda (UNR)" batuye mu gihugu cy'Ububiligi bateguye ibirori byo kwizihiza yubile y'imyaka 50 imaze ishinzwe, ibirori bizaba kuwagatandatu tariki 02 Ugushyingo, bikazabera kuri Universitaire de Louvain La Neuve, Place de l'Hocaille 1, mu Mujyi wa Bruxelles (??) guhera sa yine (10h00) z'amanywa.

Biteganyijwe ko ibi birori bizitabirwa n'uwahoze ari perezida w'u Burundi, Sylvestre Ntibantunganya na we wize muri UNR, umuyobozi wa Kaminuza Gatolika ya Louvain (Université Catholique de Louvain), n'abandi banyacyubahiro batandukanye barimo abizemo, n'abagize uruhare mu ishingwa n'iterambere rya Kaminuza Nkuru y'u Rwanda (UNR), nk'Abanyakanada, Abafureri b'Abadominiko bayishinze, Ababiligi n'abandi.

Muri ibi birori kandi hazanerekanirwamo Filimi mpamo (Film Documentaire) yakorewe mu Rwanda, igakorwa ku mateka ya UNR, ndetse hakazanagaragaramo bamwe mu bayobozi bakuru b'u Rwanda bize muri UNR.
Abo ni nka Dr. Ntabomvura Venant (umunyeshuri wa mbere w'Umunyarwanda wiyandikishije muri Kaminuza), Perezida wa Sena y'u Rwanda Dr. Ntawukuriryayo Jean Damascene, Deo Kambanda, Dr. Safari Bonfils, Prof. Nkusi Laurent, Senateri Mukasine Marie Claire n'abandi.

Amakuru dufite ni uko ubuyobozi bw'icyahoze ari UNR buriho ubu, butazizihiza iyi Yubile y'imyaka 50 Kaminuza Nkuru y'u Rwanda imaze, gusa ngo bashobora kuzabihuza n'ibirori byo gutangiza ku mugaragaro Kaminuza imwe "National University" bishobora kuzaba mu mpera z'ukwezi gutaha kw'Ugushyingo n'ubwo ngo na byo bitaremezwa neza.

UNR yafunguye imiryango tariki 03 Ugushyingo 1963, nyuma y'uko u Rwanda rubonye ubwigenge, igendera ku matwara agira ati "Illuminatio et Salus populi" bishatse kuvuga mu Kinyarwanda ngo "Urumuri n'Agakiza bya rubanda."

http://www.umuseke.rw/belgique-abize-muri-nur-bateguye-ibirori-byo-kwizihiza-yubile-yimyaka-50-imaze-ishinzwe/

http://www.youtube.com/watch?v=2c2XEycATds

__._,_.___

Comments

Re: DHR GENOCIDE HUTU : UKWISHONGORA KWA GITUTSI KUBAHUTU KUMAZE GUFATA INDI NTERA HAGOMBA IMIGAMBI MISHYA YO KUBIRWANYA MAZE TUKIBUTSA KO U RWANDA RUZABA U RWANDA IGIHE UMWE AZABA YUBAHA UNDI

Banyarubuga, Ni byiza ko Galicani Gasana w'ishyaka Amahoro Peace Congress na Kabalisa Pacifique bemera ko mu Rwanda habaye jenoside ebyiri: iyakorewe abatutsi ikozwe n'interahamwe za MRND, impuzamugambi za CDR, zimwe mu ngabo z'u Rwanda ex-FAR na hutu power movement ya Karamira; na jenoside yakorewe abahutu ikozwe na FPR/APR Inkotanyi mu Rwanda no muri Congo. Natwe mw'ishyaka ryacu PRM/MRP-ABASANGIZI ni uko tubyemera, kandi tukabivuga nk'uko biri. Kuko kutabivuga mu mvugo yabyo ko byitwa jenoside ni ugukina umukino wa FPR yayikoze idashaka ko ubwicanyi ndengakamere yakoreye abanyarwnda bo mu bwoko bw'abahutu bwitwa genocide nyine kugirango yo n'abayobozi bayo batazava aho babibazwa. Mu bintu FPR n'abayobozi bayo batinya ni kiriya cy'uko ubwicanyi ndengakamere bakoreye abahutu mu Rwanda no muri Congo bwazitwa genocide. Ni nde se wundi wabyita genocide ngo bifate uretse abavictimes b'iyo genocide bo bazi mieux que quiconque d'autre ibyababayeh...

Rwanda Forum

Search This Blog